Syair Aceh “Huruf Hijaiyah”

0 Comments 11:31 AM


Hijaiyah

Aléh (١ )hai aneuk tungkat abuwa.
miseu huruf ب peuraho laweung
Nyoe ت hai adék meutiték dua.
Teuma huruf ث meuji_’ei linteung.

Nyoe ج ngon خ ح keunoeng that lagè.
tincu that ulè meuprut jih cateun.
Nyoe huruf ذ د meupingkoe-pingkoe.
teuduk meuranjoe ban adoe aduen.

Miseu huruf ر parang cah duroe.
Miseu huruf ز parang cah uteun.
di س deungon ش meu gigoe-gigoe.
lagė gögajoe ngoen koh-koh papeun.

Di ص deungoen ض umpama sadeup.
teumpat mat meugup teu eh teulinteung.
Nyoe ط deungoen ظ ureung raya prut.
nibak gurè beut euntreuk tatumeung.

Di ع deungoen غ meutamse uleue.
teungoh ‘eu-‘eu rab bineh ateung.
Dihuruf ق ف umpama jalô.
atawa peurahô ka meupök kareung.

Teuma huruf ك hai bungong padé.
babat ngon cah gle hana hi peudeung.
Teuma huruf ل wahé boh hatě.
ban mata kawé hanalé beuneung.

Meunyoe huruf م lagè glang tanoh.
meunan keuh contoh di dalam jangeun.
Tahafai hai neuk malam ngon beungoh.
mangat tatu’oh watę gop yue kheun.

Nyoe ن teulinteung meutalum titék.
Nyoe و hai adék meubungkôk udeung.
Meunyoe ھ èk leuk ban reuhueng bintéh.
Meunyoe لا rampagoe pineung.

Nyoe ء hai nyak meuduroe kawat.
Nyoe ي saban that iték lague krueng.
Ngon ُوَالسّلام karangan tamat
Meunan geu surat le gurė zameun.

Syair Aceh

This site is using SEO Baclinks plugin created by Cocktail Family
Tags:

Leave a Reply

Related Post

Selamat Memperingati Isra’ Wal Mi’raj Nabi Muhammad ﷺSelamat Memperingati Isra’ Wal Mi’raj Nabi Muhammad ﷺ



Surat Al-Isra’ Ayat 1سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ Artinya: Maha Suci Allah yang

%d bloggers like this: